Synopse

(11)
Dienstag, 21 August 1979    (    )

Lozärn* / 3

Ond ds' Pfengschte träged sie all das Züg os de
Hofchele use, die selbrige Chöpf ond die
goldige Chöpf ond die glasige
Chäschte met de Chnoche voll Edelschtei
05 träged si use ond om d' Hofchele ome ond es 
Wäsmäli ufe. Ond met de silbrige Chöpf ond de
goldige Chöpf ond de gläsige Chäschte
träged sie riesig grossi // 005
Ampele us Pergament, fascht we a de Basler
10 Fasnacht. Nor send of dene Ampele ned we z' Basel
loschtige Gschechte abbeldet. Nei, of dene
Pfengschtampele gsed mer Gschecht
vom heilige Moretz, wener met de 
ganze thebäische Legion köpft werd oder
abegheit vomene Felse. Das weissi 
15 nömme genau. Of jede Fall esches // 006
eini vo dene grusige Gschechte,
we sie hufewis of dene alte 
Altarbeldere em Konschthus
abbeldet send. On de gets au no Ampele met de
Gschecht vom heilige Leodegar, wene
böse König em lod lo
20 d'Auge usstäche.
Die Ampele träget sie ond die
silbrige ond die goldige Chöpf träget sie // 007
ond die Glaschäschte mit dene Chnoche dren trägedsi
alles metenand us de Hofchele use ond om
d 'Hofchele ome ond of dere gschlänglete
25 Stross es Wesmäli ufe. Und au vo witem gsed das
wonderwie schön us, bsonders au, wel alli
Lüt be dere Prozässion Cherze // 008
hend i de Händ. Ond die Chärze
zäme met de Ampele ond met de
30 goldige Chöpf ond met de
selbrige Chöpf ond met de
gläsige Chäschte, das isch scho
schön amene Obig, wes donkel esch ond sogar
au no wenns rägnet. Aber am Ändi chond mer
35 weder vom Wäsmäli zrogg ond
dor d' Hofschtäge uf ond god
dor d' Halle dore weder // 009
ond dor d'Hofstäge uf e d Hofchele ine:
verbi am Grab vo de Grosstante Marie, wo Präsidäntin
40 vo de Jumpferebruederschaft gsi esch.
Si hed eigentlich emene andere Grab denäbe
welle legge, aber e anderi Jumpfere
eschere zvor cho. E dem
andere Grab het sie e erem Teschtamänt gmeint, 
hät sie chönne öbere luege zom Pilatis. Ned nor, // 010
45 we jetz, ofene Mur. Jo no so de ome Pilatis
wärs jo net schad, das esch jo nor
e grusige Steihufe. Aber si häts
Seenachtsfäscht chönne gseh
met dene vele, vele rote ond blaue
50 ond grüene Ragete, ond metem
Schlossbouqet zgueterletscht no.
Om das esches schad. Das hätsi // 011
chönne gseh osem andere Grab.
Ond wemmer verbi cho send met de
Pfengschtprozässion hämmer a das alles
55 dänkt ond händ es Vatterunser ond es
Gegrüsst seist du Maria 
bätet för d' Grosstante Marie. Nor wenn sie emene sone
gläsige Chnochechaschte ene gsie wär, de hätt mer
das chönne lo si, de hätt mer secher
gwösst: D'Grosstante Marie esch em Hemel.

In: Notizbuch 1979-82
Donnerstag, 06 September 1979    (    )

Lozärn / 3 / Pfengschte (A)

Die selbrige Chöpf ond
die goldige Chöpf ond die
gläsige Chäschte
use träge us de
05 Hofchele use ond ufe
träge ofs Wasmäli ufe. // 02

De selbrig Chopf vom
heilige Moretz ond de
goldig Chopf vom
10 heilige Leodegar use
träge ond ufe träge. De gläsig
Chaschte met de Chnöche
vom heilige Candid drenn ond de
gläsig Chaschte met de Chnöche
15 vo de heilige Dorothe drenn use
träge ond ufe.

In: Manuskripte 1979-83
Freitag, 07 September 1979    (    )

Lozärn / 3 / Pfengschte (B)

Die selbrige Chöpf ond
die goldige Chöpf ond die
gläsige Chäschte
use träge us de
05 Hofchele use ond ufe
träge ofs Wäsmäli ufe.

Use träge us de
Hofchele use ond ufe
träge ofs Wäsmäli ufe
10 de selbrig Chopf vom
heilige Moretz ond de goldig
Chopf vom heilige Leodegar ond de
gläsig Chaschte met de
Chnöche vo de heilige Thekla.

15 Ond ofem Ufewäg ond ofem
Abewäg guet luege of die selbrige ond of die // 03v
goldige Chöpf ond of die gläsige
Chäschte met de Chnöche dre,
guet luege of alles, ond jo
20 nüd lo abegheie.

In: Manuskripte 1979-83
Freitag, 07 September 1979    (    )

Lozärn / 3 / Pfengschte (C)

Die selbrige Chöpf ond die
goldige Chöpf ond die
gläsige Chäschte
use träge us de
05 Hofchele use ond ufe
träge ofs Wäsmäli ufe.

Ond nochthär weder
abe träge vom Wäsmäli abe
ond ome träge e d' Hofchele ome
10 die selbrige Chöpf ond die
goldige Chöpf ond dië
gläsige Chäschte.

Ond ufe ond abe ond ome
jo guet luege dezue
15 ond jo nüd lo gheie.
Ufe ond abe ond ome.

In: Manuskripte 1979-83
Dienstag, 11 September 1979    (    )

Lozärn / 3 / Pfengschte (D)

Die selbrige Chöpf
ond die goldige Chöpf
ond die gläsige Chäschte
use träge us de
05 Hofchele use ond ufe
träge ofs Wäsmäli ufe.

Ond nochethär weder
abe träge vom Wäsmäli abe
ond ome träge e d Hofchele ome
10 ond jo guet luege dezue
zo dene selbrige Chöpf 
ond dene goldige Chöpf
ond dene gläsige Chäschte
wo d Chnöchäli vom heilige Moretz
15 ond vom heilige Leodegar dren send.
Ond si jo ned lo gheie.

In: Manuskripte 1979-83
Samstag, 15 September 1979    (    )

Donde ond denne z Lozärn / 3 / Pfengschte (E)

Dië selbrige Chöpf
ond dië goldige Chöpf
ond dië gläsige Chäschte
use träge us de
05 Hofchele use ond ufe
träge ofs Wäsmäli ufe.

Ond nochethär weder
abe träge vom Wäsmäli abe
ond ome träge e d Hofchele ome
10 ond jo guet luege dezue
ond die selbrige Chöpf
ond die goldige Chöpf
ond die gläsige Chäschte
jo ned lo gheie ond jo ned
15 lo use gheie d Chnöchäli 
vom heilige Leodegar ond d Chnöchäli
vom heilige Moretz, wo dren send
e de selbrige Chöpf // 06v
ond e de goldige Chöpf
20 ond e de gläsige Chäschte
ond jo guet luege dezue
ond jo ned lo gheie.

In: Manuskripte 1979-83
Samstag, 15 September 1979    (    )

Donde ond denne z Lozärn / 3 / Pfengschte (F)

Die selbrige Chöpf
ond die goldige Chöpf
ond die gläsige Chäschte
use träge us de
05 Hofchele use ond ufe
träge ofs Wäsmäli ufe
ond nochethär weder
abe träge vom Wäsmäli abe
ond ome träge e d Hofchele ome
10 die selbrige Chöpf
ond die goldige Chöpf
ond die gläsige Chäschte
ond jo guet luege dezue
ond joned la gheie ond
15 d Chnöchäli vom heilige Leodegar
ond d Chnöchäli
vom heilige Moretz joned jo ned lo use gheie us
de selbrige Chöpf // 07v
ond us de goldige Chöpf
20 ond us de gläsige Chäschte.
Use träge ond ufe träge
ond abe träge
ond ome träge ond jo ned lo gheie.

In: Manuskripte 1979-83
Samstag, 15 September 1979    (    )

Donde ond denne z Lozärn / 3 / Pfengschte (G)

Die selbrige Chöpf
ond die goldige Chöpf
ond die gläsige Chäschte
met de Chnöchäli vom heilige
05 Moretz dren ond de
Chnöchäli vom heilige
Leodegar dren
use träge us de
Hofchele use ond ufe
10 träge ofs Wäsmäli ufe
ond nochethär weder
abe träge vom Wäsmäli abe
ond ome träge ed Hofchele ome
ond nome guet luege dezue
15 ond jo ned lo gheie.
D Chnöchäli vom heilige Moretz
ond d Chnöchäli vom heilige Leodegar
use us de selbrige Chöpf ond use us de
goldige Chöpf ond use us de
20 gläsige Chäschte
jo ned lo gheie.
Use ond ufe ond abe ond ome
ond nome guet luege dezue
ond jo ned lo gheie.

In: Manuskripte 1979-83
Montag, 17 September 1979    (    )

Donde ond denne z Lozärn / 3 / Pfengschte (H)

Die selbrige Chöpf
ond die goldige Chöpf
ond die gläsige Chäschte
use träge us de
05 Hofchele use ond ufe
träge ofs Wäsmäli ufe
ond abe träge vom Wäsmäli abe
ond ome träge e d Hofchele ome
ond nome guet luege dezue.
10 Ond jo ned lo gheie.

Use us de selbrige Chöpf
ond use us de goldige Chöpf
ond use us de gläsige Chäschte
d Chnöchäli vom heilige Moretz
15 ond d Chnöchäli vom heilige Leodegar
jo ned use lo gheie.
Ond use ond ufe ond abe ond ome
ond nome guet luege dezue
ond jo ned lo gheie.

In: Manuskripte 1979-83
Datiert: 1983    (    )

Pfengschte

Die selbrige Chöpf
ond die goldige Chöpf
ond die gläsige Chäschte
use träge us de
05 Hofchele use ond ufe
träge ofs Wäsmäli ufe
ond abe träge vom Wäsmäli abe
ond ome träge e d Hofchele ome
ond nome guet luege dezue
10 ond jo ned lo gheie:

Use us de selbrige Chöpf
ond use us de goldige Chöpf
ond use us de gläsige Chäschte
d Chnöchäli vom heilige Moretz
15 ond d Chnöchäli vom heilige Leodegar
jo ned use lo gheie.

Ond use ond ufe ond abe ond ome
ond nome guet luege dezue
ond jo ned lo gheie.

In: Typoskripte 1983
Datiert: 1985    (    )

Pfengschte

Die selbrige Chöpf
ond die goldige Chöpf
ond die gläsige Chäschte
use träge us de
05 Hofchele use ond ufe
träge ofs Wäsmäli ufe
ond abe träge vom Wäsmäli abe
ond ome träge e d Hofchele ome
ond nome guet luege dezue
10 ond jo ned lo gheie:

Use us de selbrige Chöpf
ond use us de goldige Chöpf
ond use us de gläsige Chäschte
d Chnöchäli vom heilige Moretz
15 ond vom heilige Leodegar
jo ned use lo gheie.

Ond use ond ufe ond abe ond ome
ond nome guet luege dezue
ond jo ned lo gheie.

In: Alemannische Gedichte 1985
Notizbuch 1979-82 (alph.)
(Total: 51 )
Notizbuch 1979-82 (Folge)
(Total: 51 )
Suchen: Notizbuch 1979-82