Mittwoch, 22 August 1979

Lozärn* / 4

Ond wemmer öbere See fahrt, wemmer
d' Seebrogg scho hed dehende
glo ond Chappelbrogg ond s'Zorgelgehus ond weter
dehende no d'Jesuitechele met dem
05 trurige Miserere ond met dem
mörrische Chrösch, wo sech nie wäscht, ond wemmer
de witerfahrt ond witerfahrt a de Trebsche
verbi, of de andere Site // 013
esch Seeborg ond esch Herteschtei:
10 Det, seid de Götti, het de
Keiser Karl es par Mönet omegsoret,
bes er de of Ongarn gfloge esch, wo me dä bös
Horthy igschpert hed ond z gueter letscht
än no e de Ängländere
15 usgleferet hed, ond die hend ne
ofene Ensle gscheckt,
die hed Madeira gheisse. Ond dië
Ensle esch wüescht ond lär gsi, nor 
Felse ond Chees, onds rägnet
20 fascht emmer. Jo, das esch // 014
scho ne truurige Gschecht. Ond au Gschecht vom
Chendlimord esch truurig,
aber die hammer ned gmerkt, det chömid
nor gwönlechi Lüt vor oni
25 allgemeini Bedütig. Aber jetz semmer
scho be de Tällskapälle acho, ond det
chönt mer no a vell trurigers Züg tänke. Gott seidank
esch alles ned wohr. Aber mer chond
gar ned dezue. Scho öberem // 015
30 Chrüztrechter nämlech heds
afo zuetue. Ond jetz em
Urnersee esch es ganz fischter, ond emmer
fischterer werds. Ond öberem Titlis ond
öberem Fronalpstock tuets
35 scho afoh tonnere. Ond jetz ganz of einisch
chonts ganz fescht cho go rägne. Do god mer
am gschitschte abe e Kejöte ond wartet, // 016
bes alles verbi esch. Aber
das duret lang. Ond zerscht
40 werds nor emmer schlemmer. Es rägnet
ond rägnet ond schöttet ond jetzt,
log umä, tots au no hagle. Die Chörner
tüend nor so [abe] abeplompse ofs Deck vom Scheff ond tüend
a d' Schibe vo de ronde Kajötefenschterli
45 poldere. Ond de See dosse, de See, wemmer einisch // 017
useluegt, esch er ganz ufgregt, das isch
jo e rechtige Schtorm, ganz eso we ufem Meer ede 
Büechere, wom mehr deheim hend. Onds wörd
eim gar net wondere, wenn au das gross
50 Scheff tät afo gwaggle. Aber
das tots ned, natürlech. Gwaggle
tüend no d' Seele. Mer chond // 018
gruusegi Angscht öber ond
fod a briegge vor Angscht ond bätet
55 met de Tant' Annie, wo
au Angscht hed ond
mit abe cho esch e Kajöte
eis Vaterunser am andere. De Tonner
esch jetz nämlech so lut,
60 dass mer sis eigeni
Wort nömme verschtot. Ond vom // 019
Bletz esch es jetz em
Fischtere of einisch so hell, we
e de Höll, wenn de Luzifer met
65 Pfusbagge es Füür ine blose<t>.
Onds tued öberhaupt nömme
ufhöre met Bletze. Mer cha
nor no bätte, bes s' Scheff
ondergod ond
70 bes mer vertrinkt. Au wemmer
zom vorus weiss, das mer // 020
e d' Höll chond. Aber gli gli 
bevor mers nor gmerkt hed, fahrts Tampfscheff  
weder zwösche de Nase dore ond chond 
weder ine e dä liebi e chli düüssäligi 
75 Lozärner See, ond d' Wolke 
send wit dehende blebe, öberem 
Regi hets no es paar, öberem 
Pilatus aber scho gar keini // 021
meh. Ond Gschwöschterti, de 
80 Matt ond's Däli¿, dië heimlifeisse, chrüchid 
os ere Angschtlöchere use ond tönd eim 
afo uslache we emmer öppe halt: 
wägem Briegge natürlech ond wägem 
Vatterunser ond 
85 wäg de Höll. S'esch jetz jo 
glich. S'esch jo so schön weder, s'Deck 
esch weder ganz troche. Ond jetz gsedmer // 022
au scho d' Seebrogg met de 
Fähne, emmer e 
90 Lozärner Fane näb eim 
vomene andere Kanton. Ond 's werd 
tonkel ond alli Törm send aglüchtet ond 
au d' Hofchele esch aglüchtet. Ond jetz tot sie 
au no afo lüte. S'esch doch ganz worscht, was 
95 Matt itzig¿ ond Däli¿ för domms 
Züg sägid. Mer send jo // 023
scho vorem Konschthus, de Bronne, chonds eim vor, 
schprötzt vel höcher als schunsch. Jetz gömmer 
alli hei zom Löw ond ässid 
100 Böndnerfleisch ond Hungbrot ond tänkid 
nömme a'd Höll ond erscht nochethär em Bett no echli 
a d'Französischufgabe ond a's 
bös Gsecht vom Scholi, well mer 
scho weder es drü hed.



Weitere Informationen

  • Besonderes:

    Fortsetzung ab V. 73: 23.8.1979

  • Letzter Druck: Unpubliziert
  • Textart: Verse
  • Mundart: ja
  • Zyklus: ja
  • Schreibzeug: Tinte
  • Signatur: A-5-h/01
  • Seite / Blatt: 012, 013, 014, 015, 016, 017, 018, 019, 020, 021, 022, 023
  • Status Text: Kontrolliert
  • Umschrift: Kontrolliert
  • Priorität: Hoch

Weitere Fassungen

    Änderung: Mittwoch, 08 November 2017
  • Drucken
Blättern zurück / vor: « Lozärn* / 3 Öbere »
Notizbuch 1979-82 (alph.)
(Total: 51 )
Notizbuch 1979-82 (Folge)
(Total: 51 )
Suchen: Notizbuch 1979-82