Synopse

(6)
Dienstag, 21 August 1979    (    )

Lozärn / 2 (A)

Ond am Museggeromgang schnogget mer alli
metenand henderem Hemel ond
henderem Allerheiligschte noche. Aber
mehr gsend nüd devo mer send jo
05 vil zchli. Mer gsend nor die vele
grosse Lüt, wo vor üs ond hender üs
ond näbe üs schnoggid. Ond alli
send schwarz agleid ond send
grau agleid. Ond es ged
10 fascht keni Manne, es ged // 002
nor Fraue, ond Manne
geds nor es paar
Alti ond die
schmöckid so komisch.
15 Ond es esch alles trurig ond es esch alles
grau ond mer weiss
ned worum, es isch jo
ganz schöns Wätter ond mer
merkt scho de Früelig ond ade
20 Museggmur hend d Bäum scho 
ganz monzigi Blättli. Ond alli
bättid de Rosechranz, ond wenn si
fertig send, fönd si weder vo vore a, aber // 003
mer merkt, sie dänkid a alles
25 Möglechi andri debi. Ond alli
send froh, wenn s verbi esch ond
die ganz Prozässion weder onde
bem Nöllitor achond. Ond de Löw seid:
Chömid, jetz gömmer go Morechöpf ässe.
30 Onds Mami, wo emmer
grau agleid esch ond emmer
schwarz agleid esch, seid nüd ond
potzt nor vor em Trenke
de Tasserand ab metem Nastuech.

In: Notizbuch 1979-82
Mittwoch, 05 September 1979    (    )

Lozärn / 2 (A)

[ Ond bem Museggeromgang
das Gschnoogg henderem
Hemel ond henderem
Allerheiligschte noche. Aber die vele
05 grosse Lüt rächts ond
lenggs ond hende ond vore,
wo alles verteckid.
Alli Fraue schwarz agleid.
Fascht keni Manne.
10 Nor es par alti, ond dië
tönd ganz komisch schmöcke.
Ond de Rosechranz, emmer
glichlig od emmer
weder vo vore
15 e Bart ine gmömmlet. //
Aber öppe einisch esch au dië
Prozässion fertig met
Moorechöpf e de
Konditorei näbem
20 Nöllitorm. Ond s Mami, wo
johrus ond johri emmer
schwarz agleid esch,
potzt vor em Trenke de
Tasserand ab met em Nastuech
25 ond seid nüd. ]

In: Manuskripte 1979-83
Dienstag, 11 September 1979    (    )

Lozärn / 2 (B)

[ Ond bem Museggeromgang das Gschnoogg
henderem Hemel noche.
Ond dië vele grosse Lüt
rächts ond lenggs ond hende ond vore,
05 wo ne verteckid.
Fascht nome Fraue.
Ond die par Manne, wo s hed,
die sind uralt ond schmöckid ganz komisch.
Ond de Rosechranz emmer glichlig
10 ond emmer weder vo vore
e Bart ine gmömmlet.
Aber öppe einisch esch au dië
we alli andere Prozässione verbi. // 02v
Ond e de Konditorei henderem Nöllitor botzt
15 s Mami, wo emmer
grau agleid esch, vor em Trenke 
de Tasserand ab met em Nastuech ond well
nüd vo de Morechöpf ässe. ]

In: Manuskripte 1979-83
Samstag, 15 September 1979    (    )

Donde ond denne z Lozärn / 2 (C)

[ Ond bem Museggeromgang das Gschnoogg
henderem Hemel noche.
Ond die vele schwarze Fraue
rächts ond lenggs ond hende ond vore
05 wo alles verteckid.
Ond die par Manne,
chli ond uralt ond
met eme ganz komische Gschmäckli.
Ond de Rosechranz emmer glichlig
10 ond emmer weder vo vore
e Bart ine gmommlet.

Aber öppe einisch au das
weder verbi. Ond nochethär e de Konditorei
bem San Karli onde
15 de Tasserand
met em Nastuech abbotze. Ond erscht dee
afo met em Moorechöpfässe. ]

In: Manuskripte 1979-83
Dienstag, 18 September 1979    (    )

Donde ond denne z Lozärn / 2 (D)

[ Ond bem Museggeromgang das Gschnoogg
henderem Hemel noche.
Ond die vele schwarze Fraue
rächts ond lenggs ond hende ond vore
05 wo alles verteckid.
Ond die par Manne
chli ond steialt ond
meteme ganz komische Gschmäckli.
Ond de Rosechranz emmer glichlig
10 ond emmer weder vo vore
e Bart ine gmommlet.

Aber öppe einisch au das
weder verbi. Ond nochethär e de Konditorei
bem San Karli onde zom Morechöpf ässe.
15 Zerscht aber no
de Tasserand metem Nastuech abbotze. ]

In: Manuskripte 1979-83
Montag, 25 Oktober 1982    (    )

Museggeromgang (E)

[ Ond henderem
Hemel noche das
Gschnoogg die vele
schwarze Fraue die paar
05 alte Manne ond de
Rosechranz emmer glichlich
ond emmer weder vo vore
e Bart ine gmommlet.

Aber nochet här
10 de Tasserand ganz suber met em
Nastuech abbotze ond erscht
den afoh met em
Mohrechöpf ässe. ]

In: Manuskripte 1979-83
Notizbuch 1979-82 (alph.)
(Total: 51 )
Notizbuch 1979-82 (Folge)
(Total: 51 )
Suchen: Notizbuch 1979-82