Ond de hani Angscht öbercho ond ha tänkt es esch alles glichlig we emmer es esch alles glichlig we emmer ond esch 05 alles ganz andrisch es esch alles do wos emmer gsih esch d Wolke- chratzer ond d Subway ond au de Gschmack jo vor allem dä komisch 10 Gschmack us allne Schächte ufe ond us allne Hüsere use ond wemmer denne esch e de Hüsere vo de Schtross dor d Fenschter 15 ine dä Gschmack dä komisch Gschmack we vo frömde vo scho lang vertorete frömde Blueme dä komisch dä süesslech // 09v Gschmack dä esch au emmer no glichlig ond är 20 esch anderisch alles esch ganz anderisch dië gwagglige farbige Hüsli zwösche de Wolkechratzere enne ond dië verrockt toskanisch Villa of dem 25 alte Wolkechrätzerli obe em Village alles alles esch glichlig ond de Gschmack dä komisch dä süesslech Gschmack us de Schächte use ond us de Hüsere use ond dor alli 30 Fenschter ine e d Hüser esch glichlig wener emmer gsih esch ond esch ganz andrisch alles esch ganz andrisch ond ech 35 ha Angscht öbercho öb ech öppe nömme de glichlig sig ond öb ech öppe of einisch e andere sig e grusigi Angscht.
